Community News


اسلامک ایجوکیشن کمیٹی کویت کے صدر جناب جاوید اقبال کی قیادت میںIEC کے وفد نے سفارت خانہ پاکستان کویت میں سفیر اسلامی جمہوریہ پاکستان عزت ماب جناب ملک محمد فاروق صاحب سے ملاقات کی ، اس ملا قات میں جناب جاوید اقبال نے سفیر پاکستان کو کویت میں ذمہ داریاں سنبھالنے پر مبارک باد پیش کی اور خوش آمدید کہا ۔ محترم صدر اسلامک ايجوکيشن نے سفیر پاکستان کو اپنے بھرپور تعاون کی یقین دہانی کروائی ۔ جاوید اقبال صاحب نے اسلامک ایجوکیشن کمیٹی کویت کی سرگرمیوں پر مشتمل رپورٹ بھی عزت ماب سفیر محترم کو پیش کی ۔ جسکو سفیر محترم نے بہت سراہا محترم جاوید اقبال صاحب نے اسلامک ایجوکیشن کمیٹی کویت کے کام اور اسکی کمیونٹی کے حوالے سے خدمات پر سفیر محترم کو تفصیلی بریفنگ دی ۔ سفیر محترم نے اسلامک کمیٹی کی سرگرمیوں میں دلچسپی لی اور مشورے بھی دیے ۔
یوم آذادی کے آمدہ پروگرام کو بہت پسند کیا ۔ اور اسطرح کے پروگرامات جو وطن عزیز کے حوالے سے ہوں ان میں بھرپور تعاون کی یقین دہانی کروائی ۔ سفیر محترم نے یوتھ ونگ کی طرف سے پروگرام میں مدعو کرنے پر شکریہ ادا کیا ۔ اور پروگرام میں شرکت کی یقین دہانی کرائی ۔
اسلامک ایجوکیشن کمیٹی کویت کے وفد میں نائب صدر جناب اطہر مخدوم ، جنرل سکریٹری جناب نثار احمد ، انچارج یوتھ ونگ جناب نوید پاشا ، ناظم شعبہ تعلقات عامہ جناب صدف علی صدف اور شعبہ میڈیا کے انچارج محمود احمد خان شامل تھے ۔
سفارت خانہ پاکستان کی طرف کمیونٹی ویلفیئر اتاشی جناب فرخ سیال صاحب نے عزت ماب سفیر اسلامی جمہوریہ پاکستان کی معاونت کی ۔ سفیر پاکستان نے وفد کا شکریہ ادا کیا - اور پاکستانی کمیونٹی میں بہترین خدمات سرانجام دینے پر اسلامک ایجوکیشن کمیٹی کی کاوشوں کو خراج تحسین پیش کیا ۔

کویت پاکستان فرینڈشپ ایسوسی ایش کے وفد کی رانا اعجاز حسین (صدر) کی قیادت میں سفیرِ پاکستان جناب ملک محمد فاروق سے ملاقات اور تنظیمی امور سے آگاہی
کویت پاکستان فرینڈشپ ایسوسی ایشن کے وفد نے عزت مآب ملک محمد فاروق سفیرِ پاکستان کویت سے تعارفی ملاقات پر اُنہیں گذشتہ اٹھائیس سالہ تنظیمی پس منظر سے آگاہ کرتے ہوئے پیش منظر پر بھی تبادلہ ء خیالات کیا گیا تاکہ باہمی مشاورت سے کویت میں پاکستان کے تصور کو ہر دل عزیز بنایا جا سکے اور تجارتی، ثقافتی، ادبی اور دوستی کے روابط فروغ پا سکیں۔
سفیر محترم نے “کے پی ایف اے “ کی سرگرمیوں کی حوصلہ افزائی کرتے ہوئے اپنے مکمل تعاون کا یقین دلایا۔ اس موقعہ پر سفارت خانہ پاکستان کے افسران اعلی جناب فیصل مجید ( سیکنڈ سیکرٹری) اور جناب فرخ امیر سیال ( کمیونٹی ویلفیر آفیسر) بھی تشریف فرما تھے۔


H.E Malik Farooq the Ambassador of Pakistan visited UK International Institute Kuwait where he was briefed by the Roshan Pakistan Team for this event.

Hum sub ka Pakistan team met with New Ambassador to Kuwait H.E Malik Farooq.


سوسائٹی کے صدر ڈاکٹر شجاع الدین کویت میں نئے تعینات سفیر ملک محمد فاروق کے ساتھ ملاقات کے لئے اپنے وفد کے ساتھ سفارہ پاکستان تشریف لے گئے اور CWA فرخ سیال کی موجودگی میں انکے ساتھ مفید اور کارامد ملاقات کی۔سوسائٹی نے سفیر صاحب کو تعیناتی پر مبارک باد دی اور دو ہزار پندرہ سے اب تک سوسائٹی کی کارکردگی کا تفصیلی زکر کیا۔جن میں سالانہ تین فری میڈیکل کیمپس کی اجرا،پاکستان میں انکھوں سے محروم افراد کے لئے کارنیا کی فراہمی،کویت اور پاکستان میں بہت سے ضرورت مندوں کی مالی تعاون اور فلاحی کاموں میں حصہ لینا،کویت ہلپنگ فنڈ کے ساتھ نادار پاکستانیوں کی مالی تعاون کے علاوہ ہیلتھ سے متعلق لوگوں کی کویت میں مشکلات اور انکے حل کے لئے کوشش کرنا وغیرہ #سفیر محترم نےکارکردگی کے بارے سن کر خوشی کا اظہار کیا اور ان کاموں کی نہ صرف تعریف کی بلکہ انکو اور تیز کرنے کی درخواست کی.
اس موقع پر ڈاکٹر شجاع نے وزارہ الصیحہ سے منسلک لوگوں کے مسائل کا تفصیلی زکر کیا جن میں والدین کے ویزوں میں حائل مشکلات،ڈگریوں کی اٹسٹیشن اور وریفیکشن میں تاخیر کے علاوہ ڈاکٹروں کے لئے ہر دوسال بعد ریٹرن ٹیکٹس،ہائر ایجوکیشن کی کارکردگی کو مزید تیز کرنا اور نئے ڈاکٹروں کے مستقل تعیناتی اور تنخواہوں کی تاخیر کے لئے حکومت کویت سے بات چیت کرنا۔
سفیر محترم نے کہا کہ اج انکی کویتی وزیر خارجہ سے ملاقات ہوی اور کویتی عوام کا پاکستانی ڈاکٹروں کی بہتر کارکردگی سے اطمینان کا سن بہت فخر محسوس ہوی۔اور ان شاء اللہ اگر رب کو منظور ہو تو انے والا سال پاکستانیوں کے لئے بہت بڑی کامیابیوں کا سال ثابت ہوگا اور کویت میں مزید نئے ڈاکٹروں کی تعیناتی کے علاوہ اور کئی شعبوں میں پاکستانیوں کی لئے مواقعے انتظار کرینگے۔الحمد للہ پاکستانیوں کے ویزے کھل گئے ہیں اورکسی کو کوئ مشکل ہو تو نشان دہی پر ھم مدد کے لئے تیار ہیں۔ #اخر میں سوسائٹی نے ڈاکٹروں کےمسائل کے حل کے لئے کوششوں کی یقین دہانی پر سفیر صاحب کا شکریہ ادا کیا۔


Pakistan Cultural Society Organized Eid Millan Show: 15-Jul-2022 at Dasma Hall, Kuwait Number of Pakistani community in Kuwait along with their families attended the program, the Newley appointed ambassador H.E Malik Muhammad Farooq  or Pakistan to Kuwait was a chief guest.

Album: https://www.facebook.com/media/set/?vanity=PakistanisInKuwait&set=a.5232103100221296

 

 

 

 


کویت:(ڈائریکٹر پاکستان بزنس سنٹر کویت) و صدر ٹیم روشن پاکستان حافظ محمد شبیر کی سربراھی میں سماجی تنظیم روشن پاکستان کی حال ہی میں اپنا منصب سمبھالنے والے سفیر عزت مآپ ملک محمد فاروق صاحب سے ملاقات ۔۔

ملاقات میں چئیرمین روشن پاکستان محمد جمیل صاحب ۔وائیس چئیرمین شمشاد خان تنولی صاحب ۔سینئر وائیس پریزیڈینٹ ملک اعظم باہڑ۔وائس پریزیڈنٹ ڈاکٹر عدنان ملک صدیقی۔سیکرٹری پبلک ریلیشن وسیم جٹھول۔ اور تنظیم کے دیگر عہدیدران جن میں ڈاکٹر رحمت اللہ ۔انجینئر غفار چوہدری۔ڈاکٹر کاشف ۔چوہدری صفدر گجر ۔انجینئر عرفان عادل۔چوہدری شبیر احمد۔ سلیم کرامت شعبہ میڈیکل۔جلال الدین شعبہ میڈیکل۔ احتشام اللہ دتہ۔ شامل تھے ۔تمام عہدیداران نے فردا فردا سفیر صاحب کو اپنا تعارف اور سماجی خدمات سے آگاہ کیا ۔محترم ملک فاروق صاحب نے ٹیم روشن پاکستان کی تمام شعبہ زندگی میں کیمونٹی کی خدمات کو سراہا۔ اور سماجی خدمات کے سلسلے میں سفارتخانہ پاکستان کے ہر ممکن تعاون کا وعدہ کیا ۔ملاقات میں کیمونٹی ویلفئر اتاشی جناب فرخ امیر سیال صاحب۔ڈپٹی امبیسیڈر محترم فیصل مجید صاحب۔فرسٹ سیکریٹری میڈم تحریم صاحبہ بھی موجود رھے ۔ صدر روشن پاکستان جناب حافظ شبیر صاحب نے کیمونٹی کو درپیش مسائل سے بڑی تفصیل سے سفیر محترم کو اگاہ کیا۔جو مسائل اپنے لیول تک حل کیے یا مزید ہو سکتے ہیں ان کا ذکر بھی حافظ صاحب نے کیا اور جو مسائل سفارتخانہ حل کر سکتا ہے ان کا بھی بتایا۔

سفیر صاحب نے مسائل کے حل کی ہر ممکن کوشش اور ارادہ یقین کے ساتھ ظاہر کیا۔ملاقات کے لمحات بڑے ہی خوشگوار رھے ۔ ٹیم روشن پاکستان کی طرف سے سفیر محترم کے استقبالیہ کے طور پر ایک خوبصورت اور دلکش پھولوں سے سجا گلدستہ پیش کیا گیا۔سفیر صاحب اور سفارتخانہ پاکستان کے آفیسرز نے پاکستان اور کویت میں موجود پاکستان کیمونٹی کی خدمات کے لیے ٹیم روشن پاکستان کو ایک پروفیشنل اور خدمت انسانی کی بہترین تنظیم قرار دیا ۔جس پر تمام عہدیداران نے ان کا شکریہ ادا کیا ۔ آخر میں سفیر صاحب۔ اور سفارتخانہ پاکستان کے افسران جناب فرخ امیر سیال صاحب، میڈم تحریم صاحبہ اور جناب فیصل مجید صاحب نے ٹیم روشن پاکستان کو محبتوں اور خلوص بھرے کلمات کے ساتھ رخصت کیا ۔

Go to top