Pakistan News

بھارت نے پاکستان میں مامور بھارت کے دو صحافیوں کو ملک سے نکال دینے کے حکومتِ پاکستان کے فیصلے کو افسوسناک قرار دیا ہے۔

وزارت خارجہ نے ایک بیان میں کہا ہے کہ صحافیوں کی موجودگی اعتماد سازی کا حصہ ہے اور اس کا تحفظ کیا جانا چاہیے۔

وزارت خارجہ کے ترجمان اکبرالدین نے کہا کہ ’پاکستان میں مامور دو بھارتی نامہ نگاروں کا اچانک اور مستقل اخراج افسوس ناک ہے۔‘

انھوں نے مزید کہا کہ بھارت اور پاکستان نے ہمیشہ اس امر کو تسلیم کیا ہے کہ معلومات کی آزادانہ ترسیل اور ان تک رسائی اعتماد سازی کا ایک اہم حصہ ہے۔

انھوں نے کہا کہ ’آزاد صحافیوں کو کام کرنے کی اجازت نہ دینا اس تصور کے منافی ہے۔‘

اکبرالدین نے کہا کہ ایک دوسرے کے ملکوں میں صحافیوں کی تعیناتی اور اطلاعات کی آزادانہ ترسیل اعتماد سازی کا بہت اہم پہلو ہے اور دونوں ملکوں کو اس کا تحفظ کرنا چاہیے۔

اس سے قبل حکومت پاکستان نے دارالحکومت اسلام آباد میں مامور روزنامہ ہندو کی نامہ نگار مینا مینن اور خبر ایجنسی پی ٹی آئی کے نمائندے سنیش فلپ کو 20 مئی تک ملک چھورنے کا حکم دیا تھا۔

حکام نے دونوں صحافیوں کو بتایا کہ ان کے ویزے کی تجدید نہیں کی جا رہی اور انھیں 20 مئی تک ملک چھوڑ دینا ہوگا۔ بھارتی صحافیوں کو ملک سے نکالنے کا کوئی سبب نہیں بتایا گیا ہے۔

اکبرالدین سے جب پوچھا گیا کہ بھارتی صحافیوں کے اخراج کا کوئی تعلق پاکستان میں میڈیا کی آزادی کے سوال پر جاری بحث سے تو نہیں ہے، تو انھوں نے جواب دیا کہ ’مجھے اس بات پر حیرت ہوئی ہے کہ پاکستان میں میڈیا کی آزادی پر بحث کے دوران بہت سے الزاما ت بھارت پر بھی لگائے گئے ہیں۔‘

دونوں بھارتی صحافیوں کو ایک ایسے وقت میں پاکستان سے نکالا گیا ہے جب بھارت میں پارلیمانی انتخابات کے بعد جمعے کو ایک نئی حکومت تشکیل پانے والی ہے اور پاکستان سے تعلقات نئی حکومت کا اہم ایجنڈا ہوگا۔

حکومت نے کہا ہے کہ وزارت تحفظ ماحولیات کی پیشگی منظوری کے بعد راولپنڈی اسلام آباد میٹرو بس منصوبے پر کام کا آغاز کیا گیا ہے جسے اس سال

کے آخر تک مکمل کر لیا جائےگا۔

یہ بات وفاقی وزیر شیخ آفتاب نے بدھ کو قومی اسمبلی میں حزب اختلاف کی جانب سے توجہ دلاؤ نوٹس کے جواب میں کہی۔

خاتون رکن ڈاکٹر نفیسہ شاہ نے کہا کہ میٹرو بس منصوبے سے اسلام آباد کے قدرتی ماحول کو خطرہ لاحق ہے اور حکومت نے تحفظ ماحولیات پاکستان سے اجازت لیے بغیر اس منصوبے پر کام شروع کیا ہے۔

جواب میں وفاقی وزیر شیخ آفتاب نے کہا کہ اس منصوبے کا مقصد دونوں شہروں کے غریب عوام کو ٹرانسپورٹ کی بہتر سہولت فراہم کرنا ہے۔

انھوں نے کہا کہ منصوبے سے بڑی گاڑی والوں کو کوئی فائدہ نہیں ہے شاہد یہی وجہ ہے کہ اس عوامی منصوبے کی مخالفت کی جا رہی ہے جبکہ اس سے ان لوگوں کوفائدہ ہوگا جو آج بھی ایک جگہ سے دوسرے شہر جانے کے لیے چار یا پانچ مقامات پر پبلک ٹرانسپورٹ (بسوں اور ویگنوں ) میں دھکے کھانے پر مجبور ہیں۔

انھوں نے بتایا کہ تین مئی کو اسلام آباد کنونشن سینٹر میں ایک سیمینار منعقد ہوا جس میں تحفظ ماحولیات پاکستان کے ماہرین نے شرکت کی اور انہوں نے تصدیق کی کہ میٹرو بس منصوبے سے اسلام آباد کا قدرتی حُسن اور ماحول زیادہ متاثر نہیں ہوگا۔ بعد میں محکمۂ تحفظ ماحولیات نے کام شروع کرنے کے لیے (این او سی) بھی جاری کیا۔

لیکن ڈاکٹرنفیسہ شاہ کا کہنا تھا کہ 40 ارب روپے کی خطیر رقم اس منصوبے پر خرچ کی جا رہی ہے۔ جبکہ لاہور کے ایک کروڑ کے مقابلے میں راولپنڈی اور اسلام آباد کی کل آبادی 22 لاکھ سے بھی کم ہے۔

انھوں نے الزام لگایا کہ یہ منصوبہ کیپیٹل ڈویلپمنٹ اتھارٹی(سی ڈی اے) اسلام آباد کو دینے کی بجائے صوبہ پنجاب حکومت کے زیر انتظام راولپنڈی ڈویلپمینٹ اتھارٹی کو اس لیے دیاگیا کیونکہ وہاں وزیراعظم کے بھائی میاں شہباز شریف کی حکومت ہے۔

وفاقی وزیرآفتاب شیخ نے کہا کہ حزب اختلاف کی جماعتیں موجودہ حکومت کی ترقیاتی منصوبوں سے خوفزدہ ہیں کیونکہ انھیں خوف ہے کہ اگر یہ منصوبے بروقت مکمل ہوئے تو آئندہ پانچ سال کے لیے ایک بار پھر نوازشریف کی قیادت میں حکومت بن جائےگی۔

انھوں نےکہا کہ حزب اختلاف کو پریشان ہونے کی ضرورت نہیں ہے کیونکہ موجودہ حکومت میٹرو بس سمیت کراچی لاہور موٹروے، گوادر لِنک روڈ سمیت بہت سارے ترقیاتی منصوبے آئندہ چار سال میں مکمل کر کے دے گی۔

اس دوران پیپلز پارٹی کے ایک اور رکن اعجاز جھلکرانی نے کہا کہ منصوبے کے دوران اسلام آباد میں سات ہزار درخت کاٹنے کاخطرہ ہے جس کے بارے میں متعلقہ محکمے نے حکومت سے اس سلسلے میں بارہ وضاحتیں طلب کر رکھی ہیں لیکن حکومت نے تاحال کسی ایک کا جواب نہیں دیاہے۔

سابق وفاقی وزیر قدرتی وسائل نوید قمر نےاس موقع پر کہا کہ سویڈن کی ایک تعمیراتی کمپنی نے 25 فیصد کم قیمت میں بسیں فراہم کرنے کی پیشکش کی تھی۔ لیکن حکومت پنجاب نےدوستی نبھاتے ہوئے بسوں کی خریداری ترکی کی ایک اور کمپنی کے حوالے کر دی ہے۔

جبکہ قائد حزب اختلاف سید خورشید شاہ نے خوشگوار انداز میں کہا کہ منصوے میں جو لوہا استعمال ہو رہا ہے وہ تو لوہا ہے چاہے وہ سٹیل مل سے خریدا گیا ہو یا اتفاق فاؤنڈری سے لایاگیا ہو۔اس طرح ملک کے کارخانے بھی چلانے ہیں۔


کراچی : مایا ناز بلے باز اور آل راؤنڈر شاہد خان آفریدی نے کراچی میں سابق صدر پرویز مشرف سے ملاقات کی۔ 

آل راؤنڈر شاہد آفریدی سابق صدر پرویز مشرف سے ملاقات کیلئے زمزمہ میں واقع ان کی رہائش گاہ گئے، جہاں انہوں نے سابق صدر پرویز مشرف کی خیریت دریافت کی، شاہد آفریدی نے سابق صدر مشرف کی علیل والدہ کی بھی خیریت دریافت کی۔ 

اس موقع پر اسٹار کرکٹر کا کہنا تھا کہ سابق صدر مشرف کی رہائش گاہ آمد اور ملاقات کا سیاست سے کوئی تعلق نہیں، سابق صدر سے ملاقات خالصتاً ایک غیر رسمی ملاقات تھی، انہوں نے کہا کہ ملاقات میں مشرف صاحب کی عیادت بھی کی اور ان کی والدہ کی خیریت دریافت کی۔ اس موقع پر سابق صدر مشرف نے اسٹار آل راؤنڈر کی حالیہ شاندار پرفارمنس کو بھی سراہا۔ سماء

کراچی: سندھ اسمبلی نے کم عمر بچوں کی شادی کے خلاف بل منظور کرلیا ہے جس کے بعد شادی کی کم سے کم عمر اٹھارہ ہوگئی ہے۔

ڈان نیوز کے مطابق کم عمر لڑکی سے شادی کرنے والے مرد اور اس کے والدین کو تین سال قید اور جرمانہ کیا جائے گا۔

اراکین اسمبلی کا کہنا تھا کہ بل پاس ہونا خوش آئند ہے مگر عملدرآمد میں وقت درکار ہوگا ۔

سندھ اسمبلی میں منظور کیے جانے والے بل کے مطابق شادی کی کم سے کم عمر اٹھارہ سال ہونی چاہئیے۔

اس بل کو پہلی مرتبہ شرمیلا فاروقی اور روبینہ قائمخانی نے 2013 میں پیش کیا تھا۔

ISLAMABAD: The special court on Monday allowed lawyers of former military ruler Gen (retd) Pervez Musharraf to withdraw their request related to Section 6 of the Special Court Act of 1976 in the treason case against him, DawnNews reported.

A three-judge bench, headed by Justice Faisal Arab, was hearing the case against the former army strongman.

During the hearing, Musharraf’s counsel Farogh Naseem presented his arguments in the court and said Musharraf wanted to withdraw the written application submitted in relation to section 6 of the Special Court Act of 1976 and wanted to present its reservations orally in this regard.

He added that section 6 of the Special Court Act of 1976 had been expunged.

Chief Prosecutor Akram Sheikh said that on one hand the withdrawal of the application was sought while on the other, Naseem was presenting his arguments over it.

Justice Arab remarked that the decision to return the application was to be taken by the court and a conditional request was not acceptable.

Naseem said the decisions in relation to the FIA report were very important for him, adding that he would devise a future strategy in light of the investigative agency.

He moreover said that under the ordinance of 1981, the amendment to include section 6- 1(a) had been removed.

Subsequently, Justice Arab said Anwar Mansoor had spent half an hour contending over the application that Naseem wanted to withdraw.

The court allowed the defence team to withdraw the said application and said the decision to hand over the report of the FIA to defence attorneys, which was reserved earlier on April 24, would be taken on May 8.

LAHORE: Government of Punjab is holding an Overseas Pakistanis Convention on 28th April in Lahore in which more than 250 Overseas Pakistanis from different countries will interact with the Chief Minister Punjab Mian Shehabz Sharif. CM will announce the establishment of Overseas Pakistanis Commissioner Punjab (OPCP) which aims at addressing the issues/concerns of overseas Pakistanis related to Punjab govt. 

Event Date: April 28, 2014 
Time: Starts at 12:00 PM

Live Coverage

 


Overseas Pakistanis Commissioner Punjab (OPCP) by GeoNews

 

راولپنڈی (مانیٹرنگ ڈیسک )پاکستان نے حتف تھری غزنوی بیلسٹک میزائل کا کامیاب تجربہ کر لیا ۔پاک فوج کے محکمہ تعلقات عامہ ( آئی ایس پی آر) کے مطابق میزائل زمین سے زمین مار کرنے کی صلاحیت رکھتا ہے اور 290 کلومیٹر تک نشانہ بنانے کی صلاحیت رکھتاہے ۔ترجمان کے مطابق  حتف تھری ایٹمی وار ہیڈ اور روایتی ہتھیار لے جانے کی صلاحیت رکھتا ہے ۔آئی ایس پی آر کے مطابق چیئر مین جوائنٹ چیفس آف سٹاف کمیٹی جنرل راشد محمود نے میزائل کے تجربے کا معائنہ کیا، حتف تھری بیلسٹک میزائل کے کامیاب تجربے پر صدر مملکت ممنون حسین، وزیر اعظم نواز شریف اور آرمی چیف جنرل راحیل شریف نے میزائل کی تیاری میں شامل ماہرین کو خراج تحسین پیش کرتے ہوئے اس عزم کا اظہار کیا ہے کہ ملک کے دفاع کو ناقابل تسخیر بنانے کے لئے تمام وسائل کو بروئے کار لایا جائے گا۔

login with social account

2.png

Images of Kids

Events Gallery

Currency Rate

/images/banners/muzainirate.jpg

 

As of Mon, 22 Jan 2018 05:24:38 GMT

1000 PKR = 2.727 KWD
1 KWD = 366.744 PKR

Al Muzaini Exchange Company

Go to top